சிறு வியாபாரிகளுக்கு ’4% வட்டியுடன் கடனுதவித் திட்டம்’

சிறு வியாபாரங்களைக் கட்டியெழுப்புவதற்காக, நிவாரண வட்டியுடன் கூடிய கடனுதவியை வழங்குவதற்கு அரசாங்கம் தீர்மானித்துள்ளதெனத் தெரிவித்த சுகாதார அமைச்சர் பவித்ரா வன்னியாரச்சி, அந்தக் கடனுதவித் திட்டம், அடுத்த மாதம் முதல் வழங்கப்படுமென்றும் கூறினார்.

இது தொடர்பில் தொடர்ந்துரைத்த அமைச்சர், மக்களின் பொருளாதாரத்தைப் பலப்படுத்த வேண்டுமாயின், வெளிநாட்டு இறக்குமதிகளைத் தடைசெய்ய வேண்டுமென்றும் நம் நாட்டு மக்கள் முன்னேறுவதற்கான வழிசமைத்துக் கொடுக்கப்படல் வேண்டுமென்றும் கூறினார்.

அதனால், 4 சதவீத வட்டியுடன், சிறு வியாபாரிகளுக்கான கடனுதவியை வழங்க, அரசாங்கம் தீர்மானித்துள்ளது என்றும் அமைச்சர் கூறினார்.