சீனாவிலிருந்து வருவோரின் எண்ணிக்கை குறைவு

சீனாவிலிருந்து கட்டுநாயக்க விமான நிலையத்துக்கு வருகைதரும் பயணிகளின் எண்ணிக்கை வெகுவாக குறைவடைந்து வருவதாக, விமான நிலைய தகவல்கள் தெரிவிக்கின்றன.

இதற்கமைய,  நேற்று   (02) இரவு வருகைதந்த,  சீன விமானச் சேவைக்குச்  சொந்தமான  மூன்று விமானங்கள் மற்றும்  சீனாவிலிருந்து இன்று (03) அதிகாலை இலங்கைக்கு வருகைதந்த,  ஸ்ரீ லங்கன் விமானச் சேவைக்கு சொந்தமான விமானம் என்பவற்றில், 61 பேர் நாட்டை வந்தடைந்துள்ளனர்.

இவ்வாறு வருகைதந்தவர்களில் 50 பேர் சீனர்கள் எனவும் 11 பேர் இலங்கையர்கள் எனவும் தெரிவிக்கப்படுகிறது.

ஒரு விமானத்தில் 250 பேர் வரை பயணிக்கக் கூடிய குறித்த 4 விமானங்களில் 61 மாத்திரமே இலங்கையை வந்தடைந்துள்ளனர் எனத் தெரிவிக்கப்படுகிறது.