சேனா புழுவால் பூசணிக்காய் செய்கைக்கும் பாதிப்பு

அண்மை காலமாக சோளம் பயிர்ச்செய்கையை அழித்துவந்த சேனா எனப்படும் புழுவின் தாக்கமானது, தற்பொழுது பூசணிக்காய் மற்றும் கௌப்பி பயிர்களிலும் பரவியுள்ளதாக அம்பாறை மாவட்ட விவசாயிகளால் தெரிவிக்கப்பட்டுள்ளது.

இதுவரையில் அம்பாறை மாவட்டத்தில் சோளம் பயிர்ச் செய்கையானது, சேனா புழுவின் தாக்கத்தால் 3,000 ஏக்கர் வரை அழிவடைந்துள்ளதாகவும் தெரிவிக்கப்பட்டுள்ளது.

அத்தோடு மட்டக்களப்பில், கெவிலியாமடுவ சுமனரத்ன விகாரையில் பயிரிடப்பட்ட சோளமானது, 15 ஏக்கர் அழிவடைந்துள்ளதாகவும் அப்பகுதி விவசாயிகள் குறித்த சேனா புழுவின் தாக்கத்தால் பெரிதும் பாதிக்கப்பட்டுள்ளதாகவும் பாரியளவில் நஷ்டத்தை ​எதிர்கொண்டுவருவதாகவும் கவலை தெரிவித்துள்ளனர்.