தொழிற்சங்க நடவடிக்கையை இடைநிறுத்த CEB முடிவு

இலங்கை மின்சார சபையின் (CEB) அனைத்து தொழிற்சங்கங்களும் செப்டம்பர் 4 ஆம் திகதி தொடங்கிய தொழிற்சங்க போராட்டத்தை தற்காலிகமாக நிறுத்தி வைக்க முடிவு செய்துள்ளன.

 எரிசக்தி அமைச்சர் குமார ஜெயக்கொடியுடன் நடந்த கலந்துரையாடலைத் தொடர்ந்து இந்த முடிவு எடுக்கப்பட்டுள்ளதாக CEB பொறியாளர்கள் சங்க நிர்வாகக் குழு உறுப்பினர் தனுஷ்க பராக்கிரமசிங்க தெரிவித்தார்.

தொழிற்சங்கங்களின் 24 முன்மொழிவுகளுக்கு அமைச்சர் உடன்பட்டுள்ளதாகவும், எழுத்துப்பூர்வ உத்தரவாதம் அளிப்பதாக உறுதியளித்துள்ளதாகவும், அமைச்சரிடமிருந்து எழுத்துப்பூர்வ உத்தரவாதம் கிடைத்தவுடன் அனைத்து தொழிற்சங்கங்களும் தொழிற்சங்க போராட்டத்தை தற்காலிகமாக நிறுத்தி வைக்க முடிவு செய்துள்ளதாகவும் அவர் கூறினார்.

அமைச்சரின் எழுத்துப்பூர்வ உத்தரவாதம் இன்றைக்குள் எதிர்பார்க்கப்படுகிறது என்றார்.