திஸ்ஸ விகாரை பிரச்சினை: தீங்கு விளைவிக்க முயற்சி

யாழ்ப்பாணம்-திஸ்ஸ விகாரையின் பிரச்சினையைத் தீர்க்க அரசாங்கம் மிகவும் நேர்மையாகச் செயல்பட்டு வருவதாகவும், ஆனால், சிலர் மத நல்லிணக்கத்திற்குத் தீங்கு விளைவிக்க முயற்சிக்கின்றனர் என்றும் புத்தசாசன, சமய மற்றும் கலாசார அலுவல்கள் அமைச்சர் பேராசிரியர் ஹினிதும சுனில் செனவி தெரிவித்தார்.

நுவரெலியாவில் செவ்வாய்க்கிழமை (25) நடைபெற்ற நிகழ்ச்சி ஒன்றில் பங்கேற்ற பின்னர் ஊடகவியலாளர்கள் எழுப்பிய கேள்விகளுக்குப் பதிலளிக்கும் போதே அவர் இவ்வாறு குறிப்பிட்டார்.

மேலும் அவர் கூறியுள்ளதாவது,

"யாழ்ப்பாண திஸ்ஸ விகாரை பற்றி நிறையச் செய்திகள் இருந்தாலும், யாழ்ப்பாண திஸ்ஸ விகாரை தொடர்பான தகவல்களும் எங்கள் தலையீடுகளும் நீண்ட காலமாக நடந்து வருகின்றன.

ஓர் அரசாங்கமாக, திஸ்ஸ விகாரை தொடர்பான பிரச்சினையில் தேவையான நேர்மையான தலையீட்டை நாங்கள் எடுத்துள்ளோம்.

ஒரு அமைச்சகமாக இருந்தாலும், அது பாராளுமன்றத்தில் தெளிவாகத் தலையிட்டு தனது கருத்துக்களை வெளிப்படுத்தியுள்ளது.

திஸ்ஸ கோயில் தொடர்பில் அப்பகுதி  மக்கள் எங்களைச் சந்தித்தனர்.

அத்துடன், யாழ்ப்பாண மாவட்ட அமைச்சர் அமைச்சர் இராமலிங்கம் சந்திரசேகரனும் எங்களைச் சந்தித்தார். அவர்களுடன் நாங்கள் சுமுகமான கலந்துரையாடல்களை மேற்கொண்டுள்ளோம்.

எனவே, சிலர் இந்தப் பிரச்சினையை ஒரு பிரச்சினையாக எழுப்பி மத நல்லிணக்கத்திற்குத் தீங்கு விளைவிப்பதாக தெரிகிறது.

அந்தக் குழு மத நல்லிணக்கத்தை அழிப்பதன் மூலம் இந்த அரசாங்கத்தைப் பற்றி தவறான கருத்தை உருவாக்க முயற்சிக்கிறது.

ஜனாதிபதி தலைமையிலான அரசாங்கம் உண்மையாகவே இந்தப் பிரச்சினையைத் தீர்க்க நாங்கள் தலையிட்டோம்.

முப்பது ஆண்டுகாலப் போருக்குப் பிறகு எழும் இதுபோன்ற பிரச்சினைகளுக்கு மிகவும் உணர்திறன் வாய்ந்த பதிலை வழங்குவது ஒரு அரசாங்கமாக நமது பொறுப்பாகும், மேலும் இந்தப் பிரச்சினையை நாங்கள் எவ்வாறு தீர்ப்போம் என்பதை பொறுத்திருந்து பார்க்க முழு நாட்டையும் அழைக்கிறோம்" என்றார்.