நுவரெலியாவில் தேசிய அடையாள அட்டை அலுவலகம்

ரஞ்சித் ராஜபக்ஸ

ஆட்பதிவு திணைக்களத்தின்  இலத்திரனியல் தேசிய அடையாள அட்டை அலுவலகமொன்று நுவரெலியா- ஹாவாஎலிய பிரதேசத்தில் அமைக்கப்படவுள்ளது.

இதற்கான ஆரம்ப  நிகழ்வுகள் பெருந்தோட்டத்துறை அமைச்சர் நவீன் திசாநாயக்கவால் இன்று ஆரம்பித்து வைக்கப்பட்டது.

இந்த அலுவலகத்துக்காக, உள்நாட்டலுவல்கள் அமைச்சால் 154.4 மில்லியன் ரூபாய் நிதி ஒதுக்கீடு செய்யப்பட்டுள்ளதாகவும் தெரிவிக்கப்படுகின்றது.

இவ்வாறான அலுவலகங்கள் நான்கு குருநாகல், மட்டக்களப்பு, வவுனியா, காலி ஆகிய பிரதேசங்களில் அமைக்கப்பட்டுள்ளன.