‘பஸ் கட்டணங்கள் அதிகரிக்கப்படாது’

எக்காரணத்துக்காகவும் பஸ் கட்டணங்களை அதிகரிக்கப் போவதில்லை என, போக்குவரத்து அமைச்சர் மஹிந்த அமரவீர தெரிவித்தார்.

தற்போதைய நிலைமையில் பஸ் கட்டணங்களை அதிகரிக்க வேண்டும் என பஸ் உரிமையாளர்கள் கோரிக்கை விடுத்துள்ளதாக, இலங்கைத் தனியார் பஸ் உரிமையாளர்கள் சங்கம் அண்மையில் கோரியிருந்தது.

எவ்வாறாயினும், நட்டத்தை எதிர்கொள்ளும் தனியார் பஸ் உரிமையாளர்களுக்கு, மாற்று வழியில் நிவாரணங்களை வழங்க நடவடிக்கை எடுப்பதாக, அமைச்சர் அமரவீர தெரிவித்துள்ளார்.

கொரோனா வைரஸ் தொற்று காரணமாகப் பொதுமக்கள் பெரிதும் பாதிக்கப்பட்டுள்ள நிலையில், பஸ் கட்டணத்தை அதிகரிக்க முடியாது எனவும் தெரிவித்துள்ள அமைச்சர், எதிர்வரும் காலத்தில், அரைசொகுசு பஸ் சேவையை இரத்துச் செய்வதாகவும் கூறியுள்ளார்.