‘பிரதமரை நாமே தெரிவு செய்வோம்’

-க.கமல் 

ஐக்கிய தேசிய முன்னணிக்கே நாடாளுமன்றத்தில் பெரும்பான்மை பலம் இருக்கின்றது எனத் தெரிவித்த அஜித் பி பெரேரா எம்.பி, பிரதமர் யார் என்பதையும் அந்த முன்னணியே தீர்மானிக்கும் என்றார்.  

 அலரி மாளிகையில் நேற்று ​(18) நடைபெற்ற ஊடகவியலாளர் சந்திப்பொன்றில் கலந்துகொண்டு கருத்துரைக்கும் போதே, அவர் மேற்கண்டவாறு தெரிவித்தார்.  

அவர் மேலும் தெரிவிக்கையில், “ஐக்கிய தேசிய முன்னணிக்கே நாடாளுமன்றத்தில் பெரும்பான்மை உள்ளது. பெரும்பான்மை பலம் உள்ள ஒருவரைப் பிரதமராக நியமிக்கும் செயற்பாட்டை மற்றைய தரப்புகளிடம் கையளிக்க நாம் தயாரில்லை” என்றார்.  

இந்த விடயத்தில் ஐக்கிய தேசியக் கட்சியினர் 100 சதவீதம் ஒற்றுமையுடன் உள்ளனரெனத் தெரிவித்த அவர், “கட்சியின் தலைவரைத் தெரிவு செய்வது குறித்தும் இ​தே நிலைப்பாட்டி​லேயே உள்​ளோம்” என்றார்.