’’மிஸ் டீன் இன்டர்நேஷனல்’’ இயக்குனர் இலங்கைக்கு

உலகின் மிக  பிரபலமான இளைஞர் அழகுப் போட்டியான "மிஸ் டீன் இன்டர்நேஷனல்" இன் இயக்குனர்  நிஷாந்த ஆனந்த், கொழும்பில் உள்ள அலரி மாளிகையில் நடைபெறும் மிஸ் இலங்கை போட்டியின் சான்றிதழ் வழங்கும் விழாவில் பங்கேற்பதற்காக புதன்கிழமை (28) இரவு இலங்கை வந்தார்.  

 கொழும்பில் உள்ள அலரி மாளிகையில் நடைபெறும் "ரோட் டு பியூச்சர் மாடல் ஹன்ட்" என்ற தலைப்பில் நடைபெறும் இந்த நிகழ்வை மிஸ் டீன் இலங்கை போட்டியின் இயக்குநர்  ருக்மல் சேனநாயக்க ஏற்பாடு செய்துள்ளார்.

 "மிஸ் டீன் இன்டர்நேஷனல்" இன் இயக்குனரான நிஷாந்த் ஆனந்த் புதன்கிழமை (28) மாலை இந்தியாவின் புது தில்லியில் இருந்து ஏர் இந்தியா விமானம் மூலம் கட்டுநாயக்க விமான நிலையத்திற்கு வந்துள்ளார்.

அவரை வரவேற்பதற்காக ருக்மல் சேனநாயக்க உட்பட குழுவினர் கட்டுநாயக்க விமான நிலையத்திற்கு வந்திருந்தனர்.  

 டி.கே.ஜி.கபில