முதியவரின் தலைபகுதி வாவியில் இருந்து மீட்பு

காத்தான்குடியில் காணாமல்  போன  முதியவர் ஒருவரின் தலைப் பகுதி காத்தான்குடி வாவியில் இருந்து சனிக்கிழமை (25) மாலை  மீட்கப்பட்டுள்ளது. 

காத்தான்குடி 6 இல் வசிக்கும்  66 வயதுடைய அப்துல் ராசிக்  எனும் முதியவர்  வெள்ளிக்கிழமை (23) அன்று காலை 8:30 மணிக்கு வீட்டில் இருந்து வெளியேறிய நிலையில் திரும்ப வீடு வந்து சேராததால் பொலிஸ் நிலையத்தில் முறைபாடு செய்து அவரை தேடும் பணிகள் மேற்கொள்ளப்பட்டு வந்துள்ளன.

அதற்கமைய குறித்த முதியவரின் சடலத்தின் தலைப் பகுதி காத்தான்குடி 5  இல் உள்ள வாவியில் இருந்து மீட்கப்பட்டுள்ளது .

இது தொடர்பாக காத்தான்குடி பொலிஸார் விசாரணைகளை முன்னெடுத்துள்ளதுடன் மீட்கப்பட்ட தலைப்பகுதி மட்டக்களப்பு போதனா  வைத்தியசாலைக்கு கொண்டு செல்லப்பட்டது.

குறித்த நபரை வாவிக்கரையோரம் உள்ள முதலை இழுத்துச் சென்றிருக்கலாம் என பொலிஸார் சந்தேகிக்கின்றனர்.

எம். எஸ். எம். நூர்தீன்