மேன்முறையீட்டு நீதிமன்றத் தலைவராக, யசந்த கோத்தாகொட நியமனம்

மேன்முறையீட்டு நீதிமன்றத்தின் தலைவராக,​ மேலதிக சொலிசிஸ்டர் ஜெனரலும் ஜனாதிபதி சட்டத்தரணியுமான, யசந்த கோத்தாகொட, ஜனாதிபதி மைத்திரிபால சிறிசேன முன்னிலையில், இன்று (28) சத்தியப்பிரமாணம் செய்துகொண்டார்.

சபாநாயகர் கரு ஜயசூரிய தலைமையில், கடந்த 23ஆம் திகதி கூடிய அரசமைப்புப் பேரவைக் கூட்டத்தின் போதே, இவரை, மேன்முறையீட்டு நீதிமன்றத்தின் தலைவராக நியமிப்பதற்கான தீர்மானம் எடுக்கப்பட்டிருந்தது.

ஜனாதிபதியின் பரிந்துரையின் பேரிலேயே, அரசமைப்புப் பேரவையின் தீர்மானத்துக்கிணங்க, இந்த நியமனம் வழங்கப்பட்டுள்ளது.