வர்த்தமானிக்கு எதிரான மனு 27 வரை ஒத்திவைப்பு

நாடாளுமன்றக் கூட்டத்தொடரை, நவம்பர் மாதம் 16ஆம் திகதி வரைக்கும் ஒத்திவைத்து ஜனாதிபதியால் மேற்கொள்ளப்பட்ட கட்டளைகள் உள்ளடங்களான அதிவிசேட வர்த்தமானி அறிவித்தலை இரத்துச்செய்யுமாறு கோரி தாக்கல் செய்யப்பட்ட மனுவை ஆராய்ந்து பார்த்தல், எதிர்வரும் 27ஆம் திகதி வரைக்கும் ஒத்திவைக்கப்பட்டது.

இந்த மனுவை சட்டத்தரணி நாகனந்த கொடித்துவக்கு தாக்கல் செய்திருந்தார். மேற்படி மனு, உயர்நீதிமன்ற பிரதம நீதியரசர் நளின் பெரேரா தலைமையிலான நீதியரசர்களான பிரசன்ன ஜயவர்தன, பிரியன்ன ஜயவர்தன ஆகிய நீதியரசர்கள் குழாம் முன்னிலையில், நேற்று (11) அழைக்கப்பட்டது. இதன்போதே மேற்கண்டவாறு ​ஒத்திவைக்கப்பட்டது.  

மனுவில், பிரதிவாதிகளாக, ரணில் விக்கிரமசிங்க, முன்னாள் சபாநாயகர் கரு ஜயசூரிய ஆகியோர் குறிப்பிடப்பட்டுள்ளனர். 

இதேவேளை, நாடாளுமன்ற கூட்டத்தொடர், ஜனாதிபதியால் மேற்கொள்ளப்பட்ட கட்டளைகள் உள்ளடங்களான அதிவிசேட வர்த்தமானி அறிவித்தலை, உயர்நீதிமன்றத்தின் முன்னிலையில் சவாலுக்கு உட்படுத்த முடியாது என, சட்டமா அதிபர், இதற்கு முன்னர் நீதிமன்றத்தின் கவனத்துக்கு கொண்டுவந்தார் என்பது குறிப்பிடத்தக்கது.