வவுணதீவில் கான்ஸ்டபிள்கள் கொலை; சீஐடி விசாரணை ஆரம்பம்

மட்டக்களப்பு - வவுணதீவு பிரதேசத்தில், பாதுகாப்புக் கடமையில் ஈடுபட்டிருந்த நிலையில் பொலிஸ் கான்ஸ்டபிள்கள் இருவர் படுகொலை செய்யப்பட்ட விவகாரம் தொடர்பிலான விசாரணைகள், குற்றப்புலனாய்வுத் திணைக்களத்திடம் ஒப்படைக்கப்பட்டுள்ளன.

இதன் பிர​காரம், குறித்த படுகொலை தொடர்பில் விசாரணைகளை நடத்திவரும் ​குற்றப்புலனாய்வுத் திணைக்கள பொலிஸ் குழுவொன்று, குறித்த பிரதேசத்துக்குப் பயணித்துக்கதென்று தெரிவிக்கப்படுகின்றது.

இன்று (30) காலை 6 மணியளவில், மேற்படி பொலிஸ் உத்தியோகஸ்தர்கள் இதுவரதும் சடலங்கள், குறித்த பககுதி பொலிஸ் காவலரணிலிருந்து மீட்கப்பட்டன. இருப்பினும், இவர்களது மரணத்துக்கான காரணம் தொடர்பில், இதுவரையில் கண்டறியப்படவில்லை.

இவ்விரு பொலிஸ் உத்தியோகஸ்தர்கள் இருவரும், வவுணதீவு பொலிஸ் நிலையத்தில் கடமையாற்றுபவர்கள் என்றும் அவர்களில் ஒருவர், காலி - உடுகம பிரதேசத்தைச் சேர்ந்த 35 வயதுடைய நிரோஷன் இந்திக்க பிரசன்ன என்றும் மற்றையவர், கல்முனை - பெரியநீலாவணை பிரதேசத்தைச் சேர்ந்த 28 வயதுடைய கணேஸ் தினேஸ் என்பவரென்றும் அடையாளம் காணப்பட்டுள்ளனர்.