விபத்தில் இளைஞர் பலி

சாவகச்சேரி – நீசாலை பிரதேசத்தில் இடம்பெற்ற வாகன விபத்தொன்றில் இளைஞரொருவர் பலியாகியுள்ளார்.

நேற்று (06) கொடிகாமத்திலிருந்து சாவகச்சேரி வழியாக  பயணித்த தனியார் பஸ் ஒன்று, அதற்கு எதிர் திசையில் பயணம் செய்த மோட்டார் சைக்கிளொன்றில் மோதுண்டதில் விபத்து நேர்ந்துள்ளது. இதில் ​குறித்த மோட்டார் சைக்கிளிலில் பயணித்த இளைஞர் உயிரிழந்துள்ளார்.

சம்பவத்தில் உயிரிழந்த இளைஞர் பளை பிரதேசத்தைச் சேர்ந்த 28​ வயதுடையவர் என்பதுடன், குறித்த பஸ்ஸின் சாரதியும் கைது செய்யப்பட்டுள்ளதாகப் பொலிஸ் ஊடகப் பிரிவால் தெரிவிக்கப்பட்டுள்ளது.