வில்பத்து காடழிப்பு; விசாரணைக்கு நாள் குறிப்பு

வில்பத்து சரணாலயத்துக்கு உரித்தான, விளத்திகுளம் காட்டுப்பகுதி அழிக்கப்பட்டு, அத்துமீறிய குடியேற்றங்கள் மேற்கொள்ளப்படுவதற்கு எதிராகத் தடையுத்தரவு பிறப்பிக்குமாறு கோரி, மேன்முறையீட்டு நீதிமன்றத்தில் தாக்கல் செய்யப்பட்டுள்ள வழக்கை, ஜூன் மாதம் 28ஆம் திகதியன்று விசாரணைக்கு எடுத்துக்கொள்ள, நீதிமன்றம் இன்று (22) தீர்மானித்தது.

சட்டத்தரணி நாகாநந்த கொடிதுவக்குவினால் தாக்கல் செய்யப்பட்டிருந்த இந்த வழக்கு, மேன்முறையீட்டு நீதிமன்ற நீதியரசர் அர்ஜுன ஒபேசேகர முன்னிலையில் விசாரணைக்கு எடுத்துக்கொள்ளப்பட்ட போதே, விசாரணைக்கான நாள் குறிக்கப்பட்டது.