ஸ்கூட்டியில் எட்டு போட்ட இளைஞனுக்கு வலை

நேற்று (18) காலை ஜா-எல நகரில் அமைந்துள்ள வாகன விற்பனை நிலையத்தில் நிறுத்தி வைக்கப்பட்டிருந்த மோட்டார் சைக்கிளைத் திருடிச் சென்ற சந்தேகநபரைக் கைதுசெய்வதற்கு பொலிஸார் பொதுமக்களின் உதவியை நாடியுள்ளனர்.

குறித்த மோட்டார் சைக்கிளானது, குறித்த விற்பனை நிலையத்தில் பணியாற்றும் பணியாளர் ஒருவருடையது என்றும்  தெரிவித்துள்ளனர்.

சந்தேகநபர், மோட்டார் சைக்கிளைத் திருடிச் செல்லும் காட்சி, அங்கு பொருத்தப்பட்டுள்ள பாதுகாப்பு கமெராவில் பதிவாகியுள்ள நிலையில், அவரைப் பற்றிய தகவல் தெரிந்தவர்கள் 071-8591589, 071-8591602 அல்லது 071-8591603 என்ற இலக்கங்களுக்கு அறிவிக்குமாறும் வேண்டுகோள் விடுத்துள்ளனர்.