ஹங்வெல்லவில் கப்பம் பெற்றவர் கைது

ஹங்வெல்ல பிரதேசத்தில், வர்த்தகர்களுக்கு மரண அச்சுறுத்தல் விடுத்து கப்பம் பெற்றுவந்த, பாதாள உலகக்கோஷ்டியைச் சேர்ந்த ஒருவரை விசேட அதிரடிப்படையினர் ​கைதுசெய்துள்ளனர் என பொலிஸ் ஊடகப் பேச்சாளர் திணைக்களம் விடுத்துள்ள ஊடக அறிக்கையில் தெரிவிக்கப்பட்டுள்ளது.

கப்பம் கேட்ட காரணத்தினால், பல மாதங்களாக, வர்த்தக நிலையங்கள் பல மூடப்பட்டுள்ளன என்பதுடன், இன்னும் சில வர்த்தகர்கள் தங்களுடைய வர்த்தக நிலையங்களை மூடிவிட்டு, கிராமங்களிலிருந்ததே சென்றுவிட்டனர் என்றும் விசாரணைகளிலிருந்து அறியமுடிகின்றது என பொலிஸ் ஊடகப் பேச்சாளர் திணைக்களம் அறிவித்துள்ளது.