2015 இல் 1.8 மில்லியன் பேர் பார்க்க வந்தனர்

2014, டிசெம்பரில் 178,672 பேர் வருகை தந்ததாகவும் 2015, டிசெம்பரில் 206,114 பேர் வருகை தந்ததாகவும் இது 15.4 சதவீத அதிகரிப்பு என அவ்வறிக்கையில் சுட்டிக்காட்டப்பட்டுள்ளது. 

2015இல் மொத்தமாக 1,796,380 சுற்றுலாப் பயணிகளும் 2014 இல் 1,527,153 சுற்றுலாப் பயணிகளும் வருகை தந்துள்ளனர். இது 17.8 சதவீத அதிகரிப்பாகும். 

மேற்கு ஐரோப்பிய நாட்டினரே 2015இல் அதிகளவில் வருகை தந்த சுற்றுலாப் பயணிகளாவர். 

வட- அமெரிக்க சுற்றுலாப் பயணிகள் தொகை கடந்த வருடம் 89,943 ஆக இருந்தது. இது 16.9 சதவீத அதிகரிப்பாகும். 

கிழக்கு ஐரோப்பிய சுற்றுலாப் பயணிகள் தொகை 148,458 ஆகும். இது 3.7 சதவீத வீழ்ச்சியைப் பதிவுசெய்துள்ளது. 

மத்திய ஐரோப்பிய சுற்றுலாப் பயணிகள் 101,066 ஆக இருந்தது. இது 13.6 சதவீத அதிகரிப்பாகும். 

கிழக்கு ஆசிய நாட்டினர் 362,857 சுற்றுலாப்பயணிகள் வந்தனர். இது 29.4 சதவீத அதிகரிப்பாகும். 

சீனா நாட்டு சுற்றுலாப்பயணிகள் 214,783 பேர் வருகை தந்துள்ளனர். இது 67.6 சதவீத அதிகரிப்பாகும். 

தெற்காசிய நாடுகளிலிருந்து 459,415 சுற்றுலாப்பயணிகள் வருகை தந்துள்ளனர். இது 24.1 சதவீத அதிகரிப்பாகும். 

இந்திய சுற்றுலாப் பயணிகள் 316,247 பேர் வருகை தந்துள்ளனர். இது 30.3 சதவீத அதிகரிப்பாகும். 

அவுஸ்திரேலிய சுற்றுலாப் பயணிகள் 71,672 பேர் வருகை தந்துள்ளனர். இது 9.8 சதவீத அதிகரிப்பாகும். 

2015இல் முதல் 10 மாதங்களில் சுற்றுலாத்துறையில் வருவாயாக 1.956 பில்லியன் அமெரிக்க டொலர்  பெறப்பட்டுள்ளது. இது 17.9 சதவீத அதிகரிப்பாகும் என்று மத்திய வங்கி அறிக்கையிட்டுள்ளது.