510 கிராம் கஞ்சா வழக்கு: சிறுமிக்கான தண்டனை இரத்து

510 கிராம் கஞ்சாவை தம்வசம்வைத்திருந்தாக கூறப்படும் 17 வயது சிறுமிக்கு விதிக்கப்பட்ட 250 நாட்கள் கட்டாய சிறைதண்டனையை அம்பாறை மாகாண மேல்நீதிமன்ற நீதிபதி சுமுது பிரேமச்சந்திர இரத்துசெய்துள்ளார்.

கட்டாய சிறைத்தண்டனை தீர்ப்பு, அம்பாறை மேலதிக நீதவான் கெமிந்த தெவின் பெரேராவினால் விதிக்கப்பட்டிருந்தது.
அந்த சிறுமிக்கு விதிக்கப்பட்ட 6ஆயிரம் ரூபாய் தண்டத்தை அரச கட்டமாக்கிவிடுமாறும் மேல் நீதிமன்ற நீதிபதி உத்தரவிட்டுள்ளார். கட்டாய  சிறைத்தண்டனைக்கு பதிலாக நன்னடத்தை பாதுகாப்பில் வைத்து புனர்வாழ்வளிக்குமாறும் பணித்துள்ளார்.

ஐ.நா.வின் சிறுவர் கொள்கைக்கு ஏற்பட பிள்ளையின் ஆகக்கூடிய நலனை கருத்தில்கொண்டு அந்த தண்டனை குறைப்பதற்கு கட்டளையிட்டதாவும் மேல் நீதிமன்ற நீதிபதி தெரிவித்துள்ளார்.