தீயினால் இரண்டு வீடுகள் சேதம்

பாணந்துறை வாழைத்தோட்டம் பிரதேசத்தில் உள்ள வீடொன்றில் இன்று சனிக்கிழமை அதிகாலை ஏற்ப்பட்ட தீ விபத்தில், அந்த வீட்டிலிருந்து சொத்துகளுக்கு சேதம் ஏற்பட்டுள்ளதுடன் உயிரிழப்புகள் எதுவும் ஏற்படவில்லை.

பாணந்துறை வடக்கு பொலிஸ் நிலைய அதிகாரிகள், மின்சாரசபை ஊழியர்கள், மொரட்டுவை மற்றும் களுத்துறை நகரசபை தீயணைக்கும் பிரிவினர் ஆகியோருடன் பிரதேச மக்களும் இணைந்து தீயை கட்டுப்பாட்டுக்குள் கொண்டு வந்துள்ளனர்.

இதேவேளை, பமுனுகம, முத்துராஜவெல பிரதேசத்தில் உள்ள வீட்டிலும் தீ விபத்து ஏற்பட்டுள்ளது.

இந்த வீட்டிலும் சொத்துகளுக்கு சேதம் ஏற்பட்டுள்ளதுடன் உயிரிழப்புகள் எவையும் ஏற்படவில்லை என பொலிஸார் தெரிவிக்கின்றனர்.

இந்த இரண்டு தீ விபத்துக்கான காரணங்கள் தொடர்பில் இதுவரை கண்டறியப்படவில்லை என பொலிஸார் கூறியுள்ளனர்.