25,000 விவகாரம்: உரிய தரப்பினருடன் கலந்தாலோசித்த பின்னர் முடிவு

சம்பந்தப்பட்ட தரப்பினருடன் கலந்தாலோசிக்காது, போக்குவரத்து குற்றச்சாட்டுகளுக்கான அபராதத் தொகை அதிகரிக்காது என்று ஜனாதிபதி மைத்திபால சிறிசேன உறுதியளித்துள்ளதாக, தனியார் பஸ் சங்கம் இன்று சனிக்கிழமை (03) தெரிவித்தது.

தனியார் பஸ் உரிமையாளர்கள் சங்கத்தினருடன் கலந்துரையாடல் இடம்பெற்ற பின்னரே, அபராதத் தொகை அதிகரிக்கப்படுமா இல்லையா என்பது தொடர்பான  இறுதி முடிவு எடுக்கப்படும் என்று இலங்கை தனியார் பஸ் சங்கத்தின் செயலாளர் அர்ஜுன பிரியன்ஜித் தெரிவித்துள்ளார்.

எனவே பஸ் உரிமையாளர்களுடன் பிரச்சினைகள் மற்றும் கோரிக்கை தொடர்பில் ஆராய்வதற்கு, சிறப்பு குழுவொன்றை நியமிப்பதற்கு ஜனாதிபதி உடன்பட்டுள்ளதாக தெரிவிக்கப்படுகின்றது.