150 பறவைகள் திடிரென இறந்து கிடந்தன

புத்தளம், வனாத்தவில்லு, எழுவான்குளத்தில் உள்ள ரால்மடுவா பகுதியிலுள்ள வயலில் ஏராளமான பறவைகள் இறந்து கிடந்தன என வனஜீவராசிகள் திணைக்களம் தெரிவித்துள்ளது.

புஷ் லார்க், புறா உட்பட நெல் வயல்களில் காணப்படும் பல்வேறு வகையான பறவைகள் உள்ளிட்ட கிட்டத்தட்ட 150க்கும் மேற்பட்ட  பறவைகள் இறந்து கிடத்துள்ளன. இவை குறித்து திணைக்களம் விசாரணையை ஆரம்பித்துள்ளது.

ஒருவித விஷம் காரணமாக பறவைகள் இறந்திருக்கலாம் என சந்தேகம் கொள்ளும் வனஜீவராசிகள் திணைக்களத்தின் அதிகாரிகள்,  இறந்த பறவைகளை ஏனைய விலங்குகள் சாப்பிட்டதன் பின்னர், அந்த விலங்குகளும் பின்னர் இறப்பதைத் தடுக்கும் பொருட்டு இறந்த பறவைகளை அதிகாரிகள் சேகரித்தனர்.