24 மணித்தியாலங்களில் 200 சாரதிகள் கைது

போதையில் வாகனம் செலுத்தும் சாரதிகளை கைதுசெய்வதற்கு பொலிஸார் முன்னெடுத்துள்ள விசேட தேடுதல் நடவடிக்கையின் போது, கடந்த 24 மணித்தியாலங்களில் மாத்திரம் 200 சாரதிகள் கைதுசெய்யப்பட்டுள்ளனர்.

நேற்று காலை 6 மணி முதல் இன்று காலை 6 மணிவரையிலான காலப்பகுதியில் குறித்த சாரதிகள் கைதுசெய்யப்பட்டுள்ளனர்.

போதையில் வாகனம் செலுத்தும் சாரதிகளை கைதுசெய்வதற்கான விசேட தேடுதல் நடவடிக்கை கடந்த 5ஆம் திகதி முதல் முன்னெடுக்கப்பட்டு வருகின்றது.

அதற்கமைய இன்று வரையான காலப்பகுதியில் 3354 சாரதிகள் கைதுசெய்யப்பட்டுள்ளதாக பொலிஸார் தெரிவித்துள்ளனர்.