4 சிறைச்சாலைகளில் அதிரடி சோதனை

நீர்கொழும்பு, கொழும்பு, போகம்பர மற்றும் பூசா சிறைச்சாலைகளில் நேற்று (09) விசேட சோதனைகள் நடத்தப்பட்டுள்ளன.

இதன்போது, 82 அலைபேசிகள், 55 சிம் அட்டைகள், பெற்றரிகள் மற்றும் சார்ஜர்கள் கைப்பற்றப்பட்டதாக பாதுகாப்பு அமைச்சு தெரிவித்துள்ளது.

நீர்கொழும்பு சிறைச்சாலையில் நேற்று முன்னெடுக்கப்பட்ட விசேட சுற்றிவளைப்பில் 61 அலைபேசிகள், 51 சிம் அட்டைகள், 30 சார்ஜர்கள், 71 பெற்றரிகள் மற்றும் 16 கிராம் ஹெரோயின் ஆகியன கைப்பற்றப்பட்டன.

கொழும்பு விளக்கமறியல் சிறைச்சாலையில் இருந்து 2 அலைபேசிகள்,  போகம்பர சிறைச்சாலையில் இருந்து 4 அலைபேசிகள், மெகசின் சிறைச்சாலையில் இருந்து 11 அலைபேசிகள்,  பூசா சிறைச்சாலையில் இருந்து 3 அலைபேசிகள், 4 சிம் அட்டைகள், 4 பெற்றரிகள் மற்றும் சார்ஜர் என்பன சிறைச்சாலை அதிகாரிகளினால் கைப்பற்றப்பட்டுள்ளன.

கைப்பற்றப்பட்ட அலைபேசிகள்,  மற்றும் சிம் அட்டை என்பனவற்றை பகுப்பாய்வுக்காக குற்றப்புலனாய்வு திணைக்களத்தில் ஒப்படைக்க நடவடிக்கை எடுக்கப்பட்டுள்ளதாக சிறைச்சாலைகள் ஆணையாளர் நாயகம் தெரிவித்துள்ளார்.