திருமலையில் 19 கைதிகள் விடுதலை

(எஸ்.எஸ்.குமார்)

திருகோணமலை சிறைச்சாலையிலிருந்து 19 கைதிகள் ஞாயிற்றுக்கிழமை காலை விடுவிக்கப்பட்டனர். சிறு குற்றங்களுக்காக சிறைவாசம் அனுபவித்து வந்தவர்களில் சிலரே இவ்வாறு விடுவிக்கப்பட்டவர்களாவர். இலங்கை சிறைக் கைதிகள் தினத்தை முன்னிட்டு இவர்களின் விடுதலை இடம் பெற்றுள்ளது.

திருகோணமலை சிறைச்சாலை அத்தியட்சகர் ரொஹான் சமந்த அழககோன் தலைமையில் இது தொடர்பான நிகழ்வு இடம்பெற்றது. சிறைச்சாலை பிரதம பாதுகாவலர் ஏ.புத்திக பெரோ, நலன்புரி உத்தியோகத்தர் ரி.எம.விமலசேன ஆகியோர் இந் நிகழ்வை ஏற்பாடு செய்திருந்தனர்.

அதேவேளை, கைதிகள் தினத்தை முன்னிட்டு சிறைச்சாலை வளவில் பிரத்தியேகமாக அமைக்கப்பட்ட இடத்தில் கைதிகள் தங்கள் உறவினர்களுடன் பேசி, உணவருந்தி மகிழ்ந்தனர்.