மைதானத்திலிருந்து சடலம் மீட்பு

(அப்துல் சலாம் யாசீம்)

திருகோணமலை வரோதய நகர மைதானத்தில் இன்று செவ்வாய்க்கிழமை மாலை  சடலமொன்று மீட்கப்பட்டுள்ளது.

திருகோணமலை கன்னியா வீதி வரோதய நகரை சேர்ந்த 27 வயதான இந்த இளைஞர் நஞ்சருந்தி தற்கொலை செய்துகொண்டுள்ளதாக பொலிஸ் ஆரம்ப விசாரணைகள் மூலம் தெரியவந்துள்ளது.  

குறித்த சடலம் தற்போது திருகோணமலை பொது வைத்தியசாலையின் பிரேத அறையில் வைக்கப்பட்டுள்ளது.

இச்சம்பவம் தொடர்பான மேலதிக விசாரணைகளை உப்புவெளி பொலிஸார் மேற்கொண்டு வருகின்றனர்.