அமைச்சர் ரிஷாட் கிண்ணியா விஜயம்

அகில இலங்கை மக்கள் காங்கிரஸ் கட்சியின் திருகோணமலை மாவட்ட  இளைஞர் மாநாட்டில் கலந்துகொள்ளும் பொருட்டு,  அகில இலங்கை மக்கள் காங்கிரஸ் தலைவரும்,  அமைச்சருமான ரிஷாட் பதியுதீன், நாளை மறுதினம்  (24) கிண்ணியாவுக்கு விஜயமொன்றை மேற்கொள்கிறார்.

அகில இலங்கை மக்கள் காங்கிரஸ் கட்சியின் திருகோணமலை மாவட்ட இளைஞர் மாநாடு, கிண்ணியா நகர சபை மைதானத்தில் நாளை மாலை 03 மணிக்கு நடைபெறவுள்ளதாக, அகில இலங்கை மக்கள் காங்கிரஸின் திருகோணமலை மாவட்ட இளைஞர் அமைப்பாளரும் துறைமுகங்கள், கப்பற்றுறை பிரதியமைச்சரின் பிரத்தியேகச் செயலாளருமான டொக்டர் ஹில்மி முகைதீன் பாவா தெரிவித்தார்.

கட்சியின் திருகோணமலை மாவட்ட இளைஞர் அமைப்பாளர் டொக்டர் ஹில்மி முகைதீன் பாவா தலைமையில் நடைபெறவுள்ள இம்மாநாட்டில் திருகோணமலை மாவட்டத்தை உள்ளடக்கிய பல ஆயிரக்கணக்கான இளைஞர், யுவதிகள் பங்கேற்கவுள்ளார்கள்.