உடற்பயிற்சியில் ஈடுபட்ட இராணுவ வீரர் உயிரிழப்பு

-பதுர்தீன் சியானா  

திருகோணமலை 22ஆவது இராணுவத் தலைமையகக் காரியாலயத்தில் கடமையாற்றி வந்த  லெப்டினல் கேணல் ஒருவர், சனிக்கிழமை (13) மாலை  உடற்பயிற்சியின் நிமித்தம் வீதியில் நடந்து சென்றுகொண்டிருந்தபோது திடீரென்று மயக்கமடைந்து விழுந்ததைத் தொடர்ந்து உயிரிழந்ததாக பொலிஸார் தெரிவித்தனர்.

சாம்பல்தீவுப் பகுதியில் விழுந்த இவரை உடனடியாக நிலாவெளி கிராமிய வைத்தியசாலைக்கு கொண்டு சென்றுகொண்டிருந்தபோது உயிரிழந்ததாகவும் பொலிஸார் கூறினர்.

களுத்துறை, கட்டுகுருந்தக் பகுதியைச் சேர்ந்த ஜயந்த கஜவீர (வயது 46) என்பவரே இவ்வாறு உயிரிழந்தார்.