கஞ்சாவுடன் பெண் கைது

-அப்துல்சலாம் யாசீம்

திருகோணமலை, புடைவைக்கட்டுப் பகுதியில் கஞ்சா வைத்திருந்த குற்றச்சாட்டின் பேரில் 55 வயதுடைய பெண்ணொருவரை ஞாயிற்றுக்கிழமை (27) இரவு கைதுசெய்துள்ளதாக பொலிஸார் தெரிவித்தனர்.

இப்பெண் கஞ்சா விற்பனையில் ஈடுபடுவதாக தமக்கு கிடைத்த தகவலைத் தொடர்ந்து, மேற்படி பகுதியிலுள்ள சந்தேக நபரின் வீட்டைச்  சோதனையிட்டபோது, ஒவ்வொரு பக்கெட்டிலும் 900 மில்லிகிராம் கொண்ட  05 கஞ்சா பக்கெட்டுகளை கைப்பற்றியதாகவும் பொலிஸார் கூறினர்.