கந்தளாயில் மணல் அகழ்வுக்கு எதிர்ப்பு ஆர்ப்பாட்டம்.

எப்.முபாரக்   

திருகோணமலை கந்தளாயில்   மணல் அகழ்வுக்கு எதிர்ப்பு தெரிவித்து கந்தளாயில்  இன்று எதிர்ப்பு ஆர்ப்பாட்டமொன்று கந்தளாய் பிரதேச செயலகத்திற்கு முன்னால் நடைபெற்றது.கந்தளாய் மணல் அகழ்வு சங்கத்தினால் ஏற்பாடு செய்யப்பட்ட இவ் எதிர்ப்பு ஆர்ப்பாட்டத்தில் நூற்றுக்கும் மேற்பட்ட இளைஞர்கள் கலந்து கொண்டார்கள்.இவ்  ஆர்ப்பாட்டத்தில் கலந்து கொண்ட ஒருவர் கருத்து தெரிவிக்கையில்:

கந்தளாய் கங்கைப் பகுதியில் தும்மோதர நிறுவனம் ஒன்று மணல் ஏற்றுவதால் திருகோ ணமலை மாவட்டத்திலுள்ள  இருபதாயிரம் மற்றும் முப்பதாயிரம் குடும்பங்களின்  ஜீவனோபாயம் தடைப்பட்டுள்ளதாகவும் தெரிவித்தனர்.   இந் தனியார் நிறுவனம் கந்தளாவை விட்டு வெளியேர வேண்டும்  எங்களது தொழிலை நிம்மதியாக செய்வதற்கு வழிவிட வேண்டும் எனவும் தெரிவிக்கின்றனர்.