கல்வி அலுவலகம் இடமாற்றம்

திருகோணமலை - மூதூர் பிரதான வீதியிலுள்ள அந்தோனியார் மகா வித்தியாலயத்தில், பல்வேறு இட நெருக்கடிக்கு மத்தியில் இயங்கி வந்த மூதூர் கோட்டக் கல்வி அலுவலகம், பிறிதொரு இடத்துக்கு மாற்றப்பட்டுள்ளது.

இப்பாடசாலையின் வகுப்பறைகள் இரண்டில் இவ்வலுவலகம் இயங்கிய நிலையில், பாடசாலை மாணவர்களுக்கான நூல்களை விநியோகிப்பதிலும் களஞ்சியப்படுத்துவதிலும் பல வருட காலமாக பல்வேறு இடையீறுகள் ஏற்பட்டதுடன், அலுவலக ரீதியான பணிகளுக்கும் இவ்விடம் பெரும் நெருக்கடியாகக் காணப்பட்டது.

இதனையடுத்து, தற்போது மூதூர் - மட்டக்களப்பு நெடுஞ்சாலை வீதியிலுள்ள வீதி அபிவிருத்தித் திணைக்களத்துக்கு அருகாமையிலுள்ள புதிய கட்டடத்துக்கு இவ்வலுவலகம் மாற்றப்பட்டுள்ளது.