குச்சவெளியில் கேரளா கஞ்சாவுடன் ஒருவர் கைது

ஹஸ்பர் ஏ ஹலீம்

குச்சவெளி பொலிஸ் பிரிவுக்குட்பட்ட வடலிக் குளப் பகுதியில் 23 கிராம் கேரளா கஞ்சாவுடன் ஒருவர் இன்று(17) காலை கைது செய்யப்பட்டுள்ளதாக திருகோணமலை பிராந்திய போதைப் பொருள் தடுப்புப் பிரிவினர் தெரிவித்தனர்.

குச்சவெளி வடலிக்குளப் பகுதியைச் சேர்ந்த முஹம்மது சரீப் பாமில் வயது(57) என்பவரே இவ்வாறு கைது செய்யப்பட்டுள்ளார்.

போதைப் பொருள் தடுப்புப் பிரிவினருக்கு கிடைத்த இரகசிய தகவலையடுத்து குறித்த நபர் கைது செய்யப்பட்டுள்ளார்.

கைது செய்யப்பட்ட சந்தேகநபரை நீதிமன்றில் முன்னிலைப்படுத்த குச்சவெளி பொலிஸார் நடவடிக்கை எடுத்துள்ளனர்.