சிறுவர் பூங்கா அபிவிருத்தி

ஹஸ்பர்

கிண்ணியா நகர சபையின் கீழ் உள்ள தோனா கடற்கரை சிறுவர் பூங்காவில் புதிய வகையான விளையாட்டு உபகரணங்கள், நேற்று (02) அங்குரார்ப்பணம் செய்து வைக்கப்பட்டன.

கிண்ணியா நகர சபையின் தவிசாளர் எம்.எம்.நிவாஸ் தலைமையில் நடைபெற்ற இந்நிகழ்வில் மின்சார ரயில் உபகரணம்,  வட்ட வடிவிலான சுற்றும் உபகரணம் என்பன அங்குரார்ப்பணம் செய்து வைக்கப்பட்டு, சிறுவர் பாவனைக்காக விடப்பட்டன.

UNDPயின் நிதி அனுசரனையில் சுமார் 80 இலட்சம் ரூபாய் செலவில் சிறுவர்களின் பொழுது போக்குக்காக இவை ஆரம்பிக்கப்பட்டுள்ளன.

இதில் கிண்ணியா நகர சபையின் பிரதித் தவிசாளர் ஐயூப் நளீம் சப்ரீன், செயலாளர் விஷ்னு மற்றும் நகர சபை உறுப்பினர்கள் பலர் கலந்துகொண்டனர்.