சிறுவன் மீது துஷ்பிரயோக முயற்சி: சிற்றூழியர் தலைமறைவு

-கனகராசா சரவணன்

அக்கரைப்பற்று ஆதார அரசாங்க வைத்தியசாலை விடுதியில் தங்கியிருந்து சிகிச்சை பெற்று வந்த 13 வயது சிறுவனை அங்கு பணியாற்றும் சிற்றூழியர் ஒருவர் பாலியல் துஷ்பிரயோகத்துக்குட்படுத்த முயற்சித்துள்ள சம்பவமொன்று செவ்வாய்க்கிழமை(01) இடம்பெற்றுள்ளது.

இச்சம்பவத்துடன் தொடர்படைய சிற்றூழியர் பாலமுனை பிரதேசத்தைச் சேர்ந்தவர் எனவும் அவர் தற்போது தலைமறைவாகியுள்ளதாகவும் அக்கரைப்பற்று பொலிஸார்; தெரிவித்தனர்.

திங்கட்கிழமை (29) திகதி காய்ச்சல் காரணமாக அட்டாளைச்சேனை பிரதேசத்தைச் சேர்;ந்த சிறுவன் வைத்தியாலை விடுதியில் தங்கியிருந்து சிகிச்சை பெற்றுவந்துள்ளான்.

இந்நிலையில், திங்கட்கிழமை இரவு குறித்த விடுதியில் பணியாற்றி வந்த குறித்த சிற்றூழியர், ஆசைவார்;த்தைக் காட்டி வைத்தியசாலையில் உள்ள 3 மாடிக்கு அச் சிறுவனை அழைத்துச் சென்று பாலியல் துஷ்பிரயோகம் செய்ய முயற்சித்துள்ளார்.

இதையடுத்து, அங்கிருந்து தப்பி ஓடிவந்த சிறுவன் சம்பவம் தொடர்பில் பெற்றோரிடம் தெரிவித்துள்ளான்.

இது தொடர்பில், அக்கரைப்பற்று பொலிஸ் நிலையத்தில் சிறுவனின் பெற்றோர் முறைப்பாடு செய்ததையடுத்து குறித்த சிற்றூழியரை கைது செய்வதற்கான நடவடிக்கைகளை முன்னெடுத்து வருகின்றனர்.