மட்பாண்ட உற்பத்தியை ஊக்குவிக்க நடவடிக்கை

மூதூரின் பாரம்பரியக் கைத்தொழில் முயற்சிகளை ஊக்குவிக்கும் நோக்கில், மூதூர் மத்தி கிராம உத்தியோகத்தர் பிரிவிலுள்ள மட்பாண்ட உற்பத்தியாளர்களை, மூதூர் பிரதேச செயலாளர் எம்.முபாரக், நேற்று (27) சந்தித்து, அவர்களோடு கலந்துரையாடினார்.

இதன்போது, மட்பாண்ட உற்பத்தியாளர்களிடம் தொழிலை அபிவிருத்தி செய்வதிலுள்ள குறைபாடுகளைக் கேட்டறிந்து கொண்டதோடு, அதற்கான ஆலோசணைகளையும் வழங்கினார்.

மேலும், மூதூரில் மட்பாண்டத் தொழிலிலை முன்னேற்றுவதற்குத் தன்னாலான ஊக்குவிப்பு நடவடிக்கைகளை மேற்கொள்வதாகவும் இதன்போது அவர்களிடம் வாக்குறுதியும் வழங்கினார்.