மனைவியை தாக்கிய கணவன்

-பதுர்தீன் சியானா

பதின்மூன்று சிம் அட்டைகளைப் பயன்படுத்தியமைக்காக மனைவியை கணவன் தாக்கிய சம்பவம் திருகோணமலை, மொறவெவ பொலிஸ் பிரிவுக்குட்பட்ட பகுதியில் ஞாயிற்றுக்கிழமை (21) இரவு இடம்பெற்றுள்ளது.

இதில் படுகாயமடைந்த 26 வயதுடைய மனைவி வைத்தியசாலையில் அனுமதிக்கப்பட்டதாக பொலிஸார் தெரிவித்தனர்.
கடந்த மூன்று வருடங்களாக மத்திய கிழக்கு நாடொன்றில் தொழில் செய்துவந்த கணவன், ஒரு மாதத்துக்கு முன்னர் இலங்கைக்குத் திரும்பியுள்ளார்.

வீட்டில் 13 சிம் அட்டைகள் காணப்பட்டமையைக் கண்டு கோபமடைந்த 28 வயதான கணவன் மனைவியைத் தாக்கியதாக தெரியவந்துள்ளது.

இது தொடர்பில் பொலிஸார் விசாரணைகளை மேற்கொண்டு வருகின்றனர்.