விபத்தில் இருவருக்குக் காயம்

எப்.முபாரக்   

திருகோணமலை_ கண்டி பிரதான வீதியில் மோட்டார் சைக்கிளும்   முச்சக்கர வண்டியும் மோதி விபத்துக்குள்ளானதில், மோட்டார் சைக்கிளில் பயணித்த இருவர் பலத்த காயங்களுக்குள்ளான நிலையில் கந்தளாய் பொது வைத்தியசாலையில் அனுமதிக்கப்பட்டுள்ளதாக தெரிவித்த  தம்பலாகாமம் பொலிஸார்,  

இவ்விபத்துச் சம்பவம் இன்று (10) இடம்பெற்றதாகவும் தெரிவித்தனர். முள்ளிப்பொத்தானையிலிருந்து திருகோணமலைக்குச் சென்ற மோட்டார் சைக்கிள்,திருகோணமலை பகுதியிலிருந்து கந்தளாய் நோக்கிச்சென்ற முச்சக்கர வண்டியுமே இவ்வாறு மோதுண்டுள்ளதாகவும்தெரிவித்த பொலிஸார்,அதிக வேகமும் கவனயீனமுமே விபத்துக்கு காரணமெனவும்  தெரிவிக்கின்றனர்.