விபத்தில் இருவர் காயம்

திருகோணமலை - மட்டக்களப்பு பிரதான வீதி தங்கநகர் பகுதியில் முச்சக்கர வண்டியுடன் மோட்டார் சைக்கிளொன்று, இன்று (16) பிற்பகல் 12 மணியளவில் மோதி விபத்துக்குள்ளானதில் சாரதிகள்  இருவரும் காயமடைந்த நிலையில், சேருநுவர பிரதேச வைத்தியசாலையில்  அனுமதிக்கப்பட்டுள்ளனர்.

வேகமாக வந்த மோட்டார் சைக்கிள், முச்சக்கர வண்டியை முந்திச்செல்ல முற்பட்ட போதே, இவ்விபத்து இடம்பெற்றதாக, ஆரம்பகட்ட பொலிஸ் விசாரணையில் தெரியவந்துள்ளது.

இவ்விபத்து குறித்து விசாரணைகளை, சேருநுவர பொலிஸார் முன்னெடுத்து வருகின்றனர்.