விபத்தில் ஒருவர் பலி

அப்துல்சலாம் யாசீம்,எம்.என்.எம்.புஹாரி

திருகோணம​லை, சேருநுவர பொலிஸ் பிரிவுக்குட்பட்ட ஆதியம்மன்கேணி பகுதியில், இடம்பெற்ற விபத்தில், அதே பகுதியைச் சேர்ந்த 52 வயதான எஸ்.நவரத்தினம் என்பவர் சிகிச்சைப் பலனின்றி நேற்று (28) உயிரிழந்துள்ளார்.

மோட்டார் சைக்கிளும் துவிச்சக்கர வண்டியும் நேருக்கு நேர் மோதிக்கொண்டதில்,  துவிச்சக்கர வண்டியை செலுத்தி வந்த மேற்படி நபர், படுகாயமடைந்துள்ளார்.

மேற்படி நபரை, மூதூர் வைத்தியசாலையில் அனுமதித்துள்ளனர்.  அங்கிருந்து  திருகோணமலை பொது வைத்தியசாலைக்கு மாற்றப்பட்டு மீண்டும் மேலதிக சிகிச்சைகளுக்காக கண்டி வைத்தியசாலைக்கு அனுப்பி வைக்கப்பட்டுள்ளார். எனினும், அங்கு சிகிச்சைப் பலன் இன்றி அவர் உயிரிழந்துள்ளார்.

இவ்விபத்துடன் தொடர்புடைய நபரை கைது செய்துள்ளதாகவும் மேலதிக  விசாரணைகளை சேருநுவர பொலிஸார்  மேற்கொண்டு வருவதாகவும் தெரிவித்தனர்.