விபத்தில் பிக்கு உட்பட இருவர் காயம்

-அப்துல்சலாம் யாசீம்

திருகோணமலை-புத்தளம் பிரதான வீதியில் இன்று (23) முச்சக்கர வண்டி வேகக்கட்டுப்பாட்டை இழந்து எருமை மாட்டுடன் மோதி விபத்துக்குள்ளானதில் பௌத்த பிக்கு உட்பட இருவர் படு காயங்களுக்குள்ளதாக மொறவௌ பொலிஸார் தெரிவித்தனர்.

கிண்ணியா விகாரையின் விகாராதிபதி ஆர்.யசகுல ஹிமி (வயது 87) மற்றும் முச்சக்கர வண்டியின் சாரதியான தீ.எம்.ரத்னபால (வயது 56) ஆகிய இருவருமே இவ்வாறு படுகாயமடைந்துள்ளதாக பொலிஸார் மேலும் தெரிவித்தனர்.

குறித்த பௌத்த பிக்கு அனுராதபுர பகுதிக்கு வைத்திய சிகிச்சைக்காக செல்லும்போதே இவ்விபத்து இடம்பெற்றுள்ளது.

விபத்தில் பலத்த காயங்களுக்குள்ளான இருவரும்  மகாதிவுள்வௌ கிராமிய வைத்தியசாலையில் அனுமதிக்கப்பட்டு மேலதிக சிகிச்சைக்காக திருகோணமலை பொது வைத்தியசாலைக்கு மாற்றப்பட்டுள்ளனர்.