திருமலை நகரில் டெங்கு தீவிரம்; 8 பேர் பாதிப்பு

Kogilavani / 2013 ஜனவரி 28 , பி.ப. 12:43 - 0 - {{hitsCtrl.values.hits}}

-சி.குருநாதன்

திருகோணமலை மாவட்டத்தில் டெங்கு நோய் வேகமாக பரவிவருவதுடன் இதுவரை 8 பேர் டெங்கு நோயாளர்களாக இனங்காணப்பட்டுள்ளதாக பொது சுகாதார பரிசோதகர்கள் தெரிவித்துள்ளனர்.

கடந்த டிசெம்பர் மாதத்தில் மட்டும் 13 பேர் டெங்கு காய்ச்சலினால் பாதிக்கப்பட்டுள்ளனர்.

குச்சவெளி பிரதேசத்தில் ஒருவரும் செல்வநாகபுரத்தில் ஒருவரும் சிவபுரி என்னும் இடத்தில் 4 பேரும் துறைமுகப்பொலிஸ் பகுதியில் 6 பேரும்; டெங்கு காய்ச்சலினால் பாதிக்கப்பட்டுள்ளதாக பொது சுகாதார அதிகாரிகள் தெரிவித்தனர்.

இதேவேளை, திருகோணமலை நகரில் அருணகிரி கிராம சேவையாளர் பிரிவில் டெங்கு வேகமாகப்பரவி வருவதாக திருகோணமலை பொதுசுகாதார வைத்திய அதிகாரி டாக்டர் து.தவக்கொடிராசா தெரிவித்தார்.

இதனையடுத்து டெங்கு ஒழிப்பு நடவடிக்கைகள் தீவிரப்படுத்தப்பட்டுள்ளது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .