உள்ளூராட்சிமன்ற தேர்தல் போட்டிக்கான நடவடிக்கைகள் தீவிரம்

கிண்ணியா நகரசபை மற்றும் பிரதேசசபை ஆகியவற்றின் உள்ளூராட்சிமன்ற தேர்தல் போட்டிக்கான நடவடிக்கைகளில் தற்போது பல அரசியல்  கட்சிகள் தீவிரமாக ஈடுபட்டுள்ளன.

இத்தகைய கட்சிகளில் போட்டியிடுவோர் தமது ஆதரவாளர்களை இரவு நேரங்களில் வீடுகளில் சந்தித்து ஆலோசனைகளைப் பெற்று வருகின்றனர்.

கிண்ணியா நகரசபை மற்றும் பிரதேசசபையின் கடந்த தேர்தலில் ஐக்கிய தேசியக் கட்சியுடன் ஸ்ரீலங்கா முஸ்லிம் காங்கிரஸ் இணைந்து இவ்விரு சபையினையும் வெற்றி கொண்டது.

இத்தேர்தலில் ஐ.தே.கட்சி  தனித்தும் ஸ்ரீலங்கா முஸ்லிம் காங்கிரஸ் அரசாங்கத்துடன் இணைந்தும் தேசிய முஸ்லிம் காங்கிரஸ் அகில இலங்கை முஸ்லிம் காங்கிரஸ் போன்ற கட்சிகளுடன் போட்டியிடவுள்ளதாவும் தெரிவிக்கப்படுகின்றன.