திருகோணமலை மாவட்டத்திற்கு விசேட வைத்திய குழு

(எம்.பரீட்)

திருகோணமலை மாவட்டத்தில் வெள்ளத்தினால் பாதிக்கப்பட்டுள்ள மூதூர், ஈச்சிலம்பற்று, வான் எல மற்றும் தம்பலகாமம் ஆகிய பகுதிகளுக்கு நான்கு விசேட வைத்திய குழுக்களை அனுப்பிவைப்பதற்கு கிழக்கு மாகாண சுகாதார அமைச்சர் எம்.எஸ்.சுபைர் பணிப்புரை விடுத்துள்ளார்.

இதற்கு மேலதிகமாக தேவைப்படும் வைத்தியர்களை கந்தளாய் பொது வைத்தியசாலையிலும், மாவட்ட பொதுச் சுகாதார உத்தியோகஸ்தர்களையும் இச்சேவையில் ஈடுபடுத்துமாறும் அவர் கேட்டுக் கொண்டுள்ளார்.

அத்துடன் முகாம்களில் தங்கியுள்ளவர்களில் பிரசவத்துக்காக நெருங்கிய நாட்களை கொண்ட கர்பிணி தாய்மார்களை பாதிக்கப்படாத வைத்தியசாலைகளில் உடனடியாக கொண்டு சென்று அனுமதிக்குமாறும் மாகாண சுகாதாரப் பணிப்பாளருக்கு மாகாண அமைச்சர் சுபைர் பணிப்புரைவிடுத்துள்ளார்.