வெள்ளத்தில் காணாமல் போன இருவர் முள்ளிப்பொத்தானையில் சடலமாக மீட்பு

(எஸ்.எஸ்.குமார்)

தம்பலகாமம் பிரதேச செயலாளர் பிரிவில்  கடந்த 3 நாட்களுக்கு முன்னர் வெள்ளத்தில் காணாமல் போன இருவர் முள்ளிப்பொத்தானை வயல் நிலமொன்றில் சடலமாக மீட்கப்பட்டுள்ளனர்.

கல்மெட்டியாவ தெற்கைச் சேர்ந்த (வயது 48)  எச்.எம்.டிக்கிரி பண்டா,  தம்பலகாமம் உல்பத்த  இடத்தைச் சேர்ந்த (வயது 22) சாலிய அசோக பியதாசா  ஆகியோரே சடலமாக மீட்கப்பட்டுள்ளனர்.

இவர்களது சடலங்கள் நேற்று ஞாயிற்றுக்கிழமை நண்பகல் மீட்கப்பட்டது.

கந்தளாய் ஆதார வைத்தியசாலையில் இடம்பெற்ற பிரேத பரிசோதனையையடுத்து,  சடலங்கள் உறவினர்களிடம் ஒப்படைக்கப்பட்டது.