பணமோசடியில் ஈடுபட்ட நபர் பொலிஸாரினால் கைது

(அப்துல்ஸலாம் யாசீம்)

கொழும்பு பௌத்தாலோக மாவத்தையில் இயங்குகின்ற தனியார் நிறுவனமொன்றினைச் சேர்ந்த நபரொருவர், திருமலையில் உள்ள இளைஞர்களிடம் வெளிநாட்டு விசாவினை பெற்றுக்கொடுப்பதாகக் கூறி பணமோசடியில் ஈடுபட்ட குற்றச்சாட்டில் பொலிஸாரினால் கைதுசெய்யப்பட்டுள்ளார்.

திருகோணமலையில் 9 இளைஞர்களிடம் வெளிநாட்டு விசாவினை பெற்றுக்கொடுப்பதாகக் கூறி 36 லட்சம் ரூபாவினை மோசடி செய்த குற்றச்சாட்டின் பேரிலேயே மேற்படி நபர் கைது செய்யப்பட்டு இன்று திருமலை நீதிமன்றில் ஆஜர்படுத்தப்பட்டார். சந்தேகநபரினை எதிர்வரும் 25ஆம் திகதிவரை விளக்கமறியலில் வைக்குமாறு நீதிபதி உத்தரவிட்டார்.

இப்பண மோசடிபற்றிய மேலதிக விசாரணைகளை திருமலை பொலிஸார் மேற்கொண்டு வருகின்றனர்.