உணவின்றி நகரை நோக்கி நகரும் திருகோணமலை மான்கள்

(அப்துல்சலாம் யாசிம்)
 
திருகோணமலை, கோனேஸ்வர ஆலயப்பகுதியில் உள்ள மான்கள் தற்போது நகரப்பகுதியை நோக்கி நகர்ந்துள்ளதாக தெரிவிக்கப்படுகின்றது.  குறித்த மான்களுக்கான உணவுகள் குறைந்து காணப்படுவதாலேயே அவை நகரை நோக்கி நகர்ந்துள்ளதாக கூறப்படுகின்றது.

வெள்ளம் ஏற்பட்ட பின்னர் வீதிகள் மோசமான நிலையில் காணப்படுகின்றமையினால் சுற்றுலாப் பயணிகளின் வீதம் குறைந்து காணப்படுகின்றது.
 
சுற்றுலாப்பயணிகள் அதிகம் வருவதினால் சாப்பாடுகள், கழிவுப்பொருட்கள் வீசப்படுகின்றவேளை மான்கள் அப்பொருட்களை உண்டு காலத்தை கலித்து வந்தன. இந்நிலையில் தற்போது அவை உணவு தேடி நகர் பகுதியை நோக்கி வருவதை அவதானிக்க முடிகின்றது.