விதவைகளின் வாழ்வாதாரத் திட்டம் குறித்து கலந்துரையாடல்

(அப்துல்சலாம் யாசிம்)

கிழக்கு மாகாணத்திலுள்ள சுமார் ஐம்பது ஆயிரம் விதவைகளின் வாழ்வாதார முன்னேற்றம் மற்றும் அவர்களின் பிள்ளைகளின் எதிர்கால நலன்களை கருத்திற்கொண்டு தயாரிக்கப்பட்ட திட்டம்  தொடர்பான கலந்துரையாடலொன்று நாளைமறுதினம் நடைபெறவுள்ளது.

நாளைமறுதினம் செவ்வாய்க்கிழமை காலை 11.00 மணிக்கு மத்திய வங்கி ஆளுநர் அஐப்த்  நிவாட் கப்ராலை அவரது அலுவலகத்தில் சந்தித்து கிழக்கு மாகாண சுகாதார அமைச்சர் எம்.எஸ்.சுபைர் கலந்துரையாடவுள்ளார்.

இந்தத் திட்டத்தின் பிரதியொன்றை மத்திய வங்கி ஆளுநரிடம் கையளிக்கவுள்ள கிழக்கு மாகாண சுகாதார அமைச்சர், இந்த திட்டத்தை அமுல்படுத்துவதற்கான ஒத்துழைப்பையும்; உதவியையும் கோரவுள்ளார்.

கிழக்கு மாகாண சுகாதார அமைச்சும் சமூக சேவைகள் அமைச்சும் இணைந்து இந்தத் திட்டத்தை அமுல்படுத்தவுள்ளமை குறிப்பிடத்தக்கது.