வயல் காவலுக்குச் சென்ற விவசாயி யானை தாக்குதலில் காயம்

(எம்.பரீட்)         

கிண்ணியா, கண்டல்காட்டில் வயல் காவலுக்குச் சென்ற ஒருவர் கட்டு யானை தாக்கியதால் பலத்த காயங்களுக்குள்ளான சம்பவம் ஒன்று இன்று ஞாயிற்றுக்கிழமை மாலை இடம்பெற்றுள்ளது.

கிண்ணியா, பூவரசந்தீவைச் சேர்ந்த முகம்மது பாரூக் (வயது 48) என்பவரே பலத்த காயங்களுக்கு உள்ளானவராவர். இவர் உடனடியாக கிண்ணியா தள வைத்தியசாலையில் அனுமதிக்கப்பட்ட பின்னர் மேலதிக சிகிச்சைக்காக கண்டி பொது வைத்தியசாலைக்கு அனுப்பி வைக்கப்பட்டுள்ளார்.

கிண்ணியா பிரதேசத்தில் கண்டல் காடு, தினேரி, கெங்கை போன்ற பகுதியில் இரவு நேரங்களில் காட்டு யானைகள் தொல்லை அதிகரித்துக் காணப்படுகின்றன. இப்பிரதேசத்தில் இவ்வாறான சம்பங்கள் அடிக்கடி இடம்பெற்று வருகின்றமை குறிப்பிடத்தக்கது.