காளி சிலையை யா​​ரோ திருடி விட்டனர்

சிலாபம் முன்னேஸ்வரத்தில் உள்ள காளி கோவிலில் இருந்த காளி சிலையை யாரோ திருடிக்கொண்டு சென்றுவிட்டனர் என முறைப்பாடு கிடைத்துள்ளது என  சிலாபம் பொலிஸார் தெரிவித்தனர்.

அந்த ​கோவிலுக்குப் பொறுப்பானவர் என்றுக் கூறப்படும் பெண்ணால், இதுதொடர்பில் பொலிஸூக்கு முறைப்பாடு செய்யப்பட்டுள்ளது.

கோவிலில் சிலைகள் வைக்கப்பட்டிருக்கும் அறையில் வைக்கப்பட்டிருந்த காளி சிலையே இவ்வாறு களவாடப்பட்டுள்ளது என்றும் யாரோ அச்சிலையை திருடி சென்றிருக்கின்றனர்  என தான் சந்​தேகப்படுவதாக அப்பெண் தன்னுடைய முறைப்பாட்டில் தெரிவித்துள்ளார் என​ பொலிஸார் தெரிவித்தனர்.

இந்தியாவில் இருந்து கொண்டுவரப்பட்ட சிலையே இவ்வாறு களவாடப்பட்டுள்ளது என்றும் அறியமுடிகின்றது. எனினும், அப்பெண்ணிடம் இது​தொடர்பில் ஊடகவியலாளர்கள் கேட்டபோது, எதனையும் கூறுவதற்கு ​அப்பெண் மறுத்துவிட்டார். எனினும், பொலிஸ் விசாரணைகள் முன்னெடுக்கப்படுகின்றன என சிலாபம் பொலிஸின் குற்றப்புலனாய்வுப் பிரிவின் அதிகாரிகள் தெரிவித்தனர். அத்துடன், அவர்கள் கோவிலுக்கு விஜயம் செய்து விசாரணைகளை முன்னெடுத்துள்ளனர் என்பதும் குறிப்பிடத்தக்கது.