சிறைச்சாலை பஸ் விபத்தில் 12 பேர் காயம்

இன்று (23) முற்பகல் 11.30 மணியளவில் அம்பன்பொல பொலிஸ் பிரிவுக்குட்பட்ட களுவிலபதான பிரதேசத்தில் சிறைச்சாலை பஸ்ஸொன்று விபத்துக்குள்ளாகியுள்ளது.

இந்த விபத்தில் சிறைச்சாலை அதிகாரிகள் மூவர் மற்றும் 09 சிறைக்கைதிகள் காயமடைந்துள்ளனர்.

கல்கமுவ நீதிமன்றில் இருந்து மஹவ சிறைச்சாலைக்கு சந்தேக  நபர்களை ஏற்றிச்சென்ற நிலையில், சிறைச்சாலை பஸ் விபத்துக்குள்ளாகியுள்ளது.

குறுக்கு வீதியில் இருந்து பின்புறமாக பயணித்த லொறி, பிரதான வீதியில் பயணித்த சிறைச்சாலை பஸ்ஸுடன் மோதியுள்ளதுடன், பின்னர் மண்மேட்டில் மோதியில் வீதியில் குடைசாய்ந்துள்ளது.

காயமடைந்தவர்களில் பஸ்ஸின் சாரதியுடன் உள்ளடங்கியுள்ளார்.

காயமடைந்தவர்கள் கல்கமுவ வைத்தியசாலையில் அனுமதிக்கப்பட்டுள்ளனர்.

லொறியின் சாரதி கைதுசெய்யப்பட்டுள்ளதுடன், மஹவ நீதிமன்றில் நாளை (24) முன்னிலைப்படுத்தப்படவுள்ளதாக பொலிஸார் கூறியுள்ளனர்.